نیپال سے چھوڑے گئے پانی کے سبب راپتی ندی کے باندھ سے پانی کا رساؤ

16 اگست 2017 (03:40)

گورکھپور/یو این آئی/ نیپال سے چھوڑے گئے پانی کے سبب اترپردیش کے گورکھپور میں پہلے سے ہی طغیانی والی راپتی ندی کی آبی سطح میں اضافہ سے ندی پر بنے ایک باندھ سے پانی کے رساؤ کے سبب شہری علاقہ میں پانی بھرنے سے افراتفری مچ گئی ہے ۔ گورکھپور کے ڈسٹرکٹ مجسٹریٹ راجیو روتیلا نے بتایا کہ باندھ سے پانی کے رساؤ کے سبب نشیبی علاقوں کو خالی کرایا جا رہا ہے ۔ باندھ کی مرمت کا کام جنگی پیمانہ پر جاری ہے ۔ انہوں نے کہاکہ امید ہے کہ شام تک صورتحال پر قابو پا لیا جائے گا۔

 71واںیوم آزادی جوش وخروش کے ساتھ منایا گیا

15 اگست 2017 (07:01)

نئی دہلی/یو این آئی/ 71اں یوم آزادی کل پورے ملک میں جوش و خروش کے ساتھ منایا گیا اور ’نیو انڈیا‘کے ساتھ ساتھ بدعنوانی اور گندگی سے پاک ہندستان بنانے کاعزم کیا گیا۔71ویں یوم آزادی کے موقع پر اہم تقریب ملک کی راجدھانی دہلی میں لال قلعہ پر منعقد ہوئی جہاں وزیر اعظم نریندر مودی نے عوامی شراکت داری سے طاقتور، خوشحال اور بدعنوانی سے پاک ’نیو انڈیا‘بنانے کی اپیل کرتے ہوئے واضح کیا کہ ان کی حکومت دہشت گردی سے سختی سے نمٹے گی لیکن کشمیر کا مسئلہ وہاں کے لوگوں کو ’گلے لگا کر‘میل ملاپ سے سلجھائے گی تاکہ وہ پھر سے زمین کی جنت بن سکے ۔