نئی ڈرگ پالیسی لاگو کرنے کا اعلان حکم نواب تادر نواب- وادی میں نقلی ادویات کا کاروبار بلا روک ٹوک جاری ‘قیمتیں کنٹرول کرنے کا نظام بھی غیر موثر

21 مئ 2017 (06:00)

سرینگر/ جے کے این ایس/محکمہ صحت کے جعلی ادویات کا مکروہ دھندہ کرنے والوں کے خلاف کریک ڈاؤن کے دعوے دھرے کے دھرے رہ گئے۔دو سال گزر نے کے باوجود مگر مچھوں پر قانون کا شکنجہ نہیں ڈالا گیا ۔ دریں اثنا وادی میں ادویات کی قیمتوں کو کنٹرول کرنے کا کوئی ٹھوس نظام موجود نہیں ، پرائس مانیٹرنگ کا شفاف نظام نہ ہونے کی وجہ سے مارکیٹ میں ادویات کا مصنوعی بحران پیدا کرنا کمپنیوں کا وطیرہ بن چکا ہے۔ جعلی ادویات کا کاروبار کرنے والوں کے خلاف سخت کارروائی عمل میں لانے کا اعلان صرف اجلاسوں تک محدود ہو کر رہ گیا ہے۔