افغانستان میں طالبان کیخلاف بڑا حملہ

کابل/ 6فروری ﴿یو این آئی﴾ افغان فوج کے جنگی طیاروں نے طالبان دہشت گردوں کو نشانہ بنا کر کئی علاقوں میں حملے کیے جن میں 12دہشت گرد مارے گئے ہیں۔ مقامی میڈیا نے فوج کے ترجمان نصرت اللہ جمشیدي کے حوالے سے کہا کہ شمالی بدخشاں، فریاب اور ساری پل صوبے میں کل طالبان کے ٹھکانوں پر فوج کے جنگی طیاروں نے کئی حملے کیے ۔ بدخشاں صوبے کے ضلع واردوج میں طالبان کے ٹھکانے پر بم حملہ کرکے تباہ کر دیا گیا جس میں چھ دہشت گرد مارے گئے ۔ مسٹر جمشیدي نے کہا کہ جنگی طیاروں نے ضلع فریاب میں دہشت گردوں کے ٹھکانوں کو نشانہ بنایا۔ اس کارروائی میں چار دہشت گرد مارے گئے ۔ اس کے علاوہ ساری پل صوبے کے ضلع سنگچرک میں دو دہشت گرد مارے گئے ہیں۔ انہوں نے کہا کہ دہشت گردوں کے خلاف فوجی کارروائی جاری رہے گی۔

مزید دیکهے

متعلقہ خبریں